Тузатиш: Хабарнинг дастлабки таҳририда Азиза Шоназарова умрбод профессорлик лавозимига қабул қилингани ҳақида ёзилган эди. Бу хато маълумот ва бунинг учун муштарийлардан узр сўраймиз. Азиза Шоназарованинг ҳозирги даражаси айнан умрбод профессорликка етакловчи эшик эканлиги ҳақида у «Дарё»га берган интервьюсида айтиб ўтган.
Колумбия университети Ivy League (ўзбек тилида печаклар иттифоқи деган маънони беради) тоифасига кирган. Айви лигага АҚШдаги энг нуфузли 8 та – Brown, Columbia, Cornell, Dartmouth Сollege, Harvard, Princeton, Pennsylvania, Yale университетлари кирган.
Tenure track позициясига профессор ва профессор ассистенти ишга олиниб, улар билан тузиладиган меҳнат шартномаси университет маъмурияти томонидан бекор қилинмайди. Бундай шартноманинг асосий мақсади – олимнинг эркинлигини (academic freedom) таъминлашдир.
Азиза Шоназарова «Female religiosity and gender history in pre-modern Central Asia» (Ўрта асрлардаги Марказий Осиёда гендерлик тарихи ва аёллар диндорлиги) мавзусида АҚШнинг Индиана – Блумингтон университетида докторлик диссертациясини ёқлади. Иккита йўналишда (диншунослик ва Марказий Осиё тарихи) PhD – фалсафа фанлари доктори илмий даражасини олди.
«Буюк аждодлар меросидан буюк авлодлар эрасига етиб келдик ва ниҳоят! Ёшлар, мана сизга мотивация, замона қаҳрамони. Дунёнинг кучли олимлари ишлайдиган Колумбия университетида 33 ёшли оддий ўзбек олимаси Азиза Шоназарова ҳам бор. Биз бундан фахрланишимиз керак!», — деб ёзади канал муаллифи.
Изоҳ (0)