Футбол бўйича Испания чемпионатининг 23-турида «Барселона» 9 февраль, якшанба куни «Бетис» майдонида меҳмон бўлди ва қийин ғалабага эришди.
Каталонликлар сафида Френки де Йонг, Серхио Бускетс ва Клеман Лангле ўз ҳисобларига гол ёздириб қўйди. Эътиборлиси «Барселона»нинг учта голига ҳам Лионель Месси ассистентлик қилди. Майдон эгаларининг голларига Серхио Каналес ва Набиль Фекир муаллиф бўлди.
Бундан ташқари, жамоалар ўйинни камчиликда якунлашга мажбур бўлди. «Бетис» сафида Фекир майдондан четлатилган бўлса, меҳмонлар ҳимоячиси Лангле ҳам қизил карточкага лойиқ кўрилди.
Ушбу ғалабадан кейин «Барселона» 49 очко билан иккинчи ўринда бормоқда ва пешқадам «Реал»дан уч очко ортда қолган.
Ла Лига
23-тур баҳслари
9 февраль, якшанба
«Сельта» — «Севилья» 2:1
Голлар: 0:1 — 23 Эн-Несири, 1:1 — 78 Аспас, 2:1 — 90+1 Систо.«Бетис» — «Барселона» 2:3
Голлар: 1:0 — 6, пенальти Каналес, 1:1 — 9 де Йонг, 2:1 — 26 Фекир, 2:2 — 45 Бускетс, 2:3 — 72 Лангле.«Бетис»: Роблес, Манди, Бартра, Эмерсон, Морено, Вильям Карвалью (Хоакин, 70), Каналес, Аленья, Родригес (Тело, 86), Фекир, Иглесиас (Морон, 62).
«Барселона»: тер Штеген, Умтити, Лангле, Фирпо (Альба, 57), Серхи Роберто, Видаль (Артур, 57), Бускетс, де Йонг, Семеду, Гризманн (Ракитич, 89), Месси.
Огоҳлантиришлар: Лангле (5), Серхи Роберто (29), Видаль (32), Эмерсон (36), Манди (45), Бускетс (57), Родригес (72), Фекир (76).
Четлатишлар: Фекир (76), Лангле (79).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)