Бугун,

  • USD 11014.01
  • RUB 191.8
  • EUR 10674.78

Россиянинг Хабаровск ўлкасида кун давомида кўп сонли одамлар билан мулоқот қилиш билан боғлиқ касб эгалари 10 февралдан мажбурий тартибда тиббий ниқоб тақиши керак бўлади, деб хабар берди Meduza.

Фото: «РБК»

Фото: «РБК»

Гап тиббиёт ходимлари, банклар ишчилари, савдо марказлари ва транспорт компаниялари ходимлари ҳақида кетмоқда.

Хабаровск мерияси ниқоб тақиш режимини коронавирус, грипп ва ўткир-респиратор касалликлар тарқалишининг олдини олиш мақсадида жорий қилмоқда.

«Ниқоблар — узоқ вақт давомида синовдан ўтказилган ҳимоя воситаси. Кўчада уни тақиб юриш мажбурий эмас, лекин бино ичида албатта тақиш талаб этилади. Ниқоблар ҳар икки соатда алмаштирилиши керак», — деди Хабаровск мерияси вакили.

Шунингдек, ўлка мерияси дорихоналарда ниқоблар етарли эканлигини маълум қилди. Шу билан бирга ҳозирда ўлкадаги дорихоналарда тиббий ниқоблар савдосида чеклов мавжуд эканлиги айтилди. Хусусан, бир кишига 15 тадан кўп ниқоб сотилмаяпти.

Аввалроқ Россияда тиббиёт ниқоблари тақчиллиги кузатилаётгани маълум бўлганди. Бу ҳолат Ўзбекистондаги дорихоналарда ҳам қайд этилди. Тиббий ниқоблар нархи бир неча бараварга кўтарилиб кетди. Монополияга қарши кураш қўмитаси ҳузуридаги Истеъмолчилар ҳуқуқларини ҳимоя қилиш агентлиги тиббий ниқоблар нархини асоссиз оширган дорихоналар ёпилишини маълум қилди.

Изоҳ
Асосий янгиликлар