Ҳиндистоннинг Чҳаттисгарҳ штатидаги Дантевада туманида яшовчи қиз терини тошдек қотириб қўядиган ноёб касалликдан азият чекмоқда. Бу ҳақда Daily Mail хабар бермоқда.
7 яшар Ражешвари тузатиб бўлмас эпидермолитик ихтиозга чалинган. Унинг қўл-оёқлари ва орқа томонининг катта қисми балиқ тангачаларини эслатувчи қавариқлар билан қопланган.
Улар туфайли қиз юриш ва ўтиришга қийналади. Дантевадада яхши касалхоналар бўлмагани учун Ражешвари текширувдан ўтиш учун шаҳарга қатнайди.
Ихтиоз ҳаёт учун хавфли эмас, бироқ бунга чалинган беморлар касалликка бир умр чидашга мажбур. Тер чиқариш жараёни сустлиги сабабли уларни кўп офтоб уради, теридаги ёриқлар эса инфекциялар олдида ожиз қолади. Шунингдек, уларда кўпинча эшитиш ва кўриш қобилияти паст бўлади.
Изоҳ (0)