Ўзбекистон банклари Ассоциацияси ва «Ahbor-Reyting» рейтинг агентлиги 2019 йил якунлари бўйича «Ўзсаноатқурилишбанк»нинг инвестицион фаоллигини Ўзбекистон тижорат банклари ўртасида энг юқори ўринга лойиқ деб топди.
«Ahbor-Reyting» рейтинг агентлиги хабарига кўра, Ўзбекистон Республикаси Президенти админстрацияси раҳбари ва Марказий банки раиси томонидан 2019 йил 23 январда тасдиқланган «Тижорат банкларининг 2019 йилда инвестиция фаолиятини жадаллаштиришга қаратилган Йўл харитасига асосан ишлаб чиқилган Методология мезонларига мувофиқ тижорат банкларининг 2019 йилдаги инвестицион фаоллик даражаси ўрганилганда «Ўзсаноатқурилишбанк»нинг ушбу йўналишдаги фаолияти рейтинг рўйхатининг биринчи поғонасини эгаллаган.
Ўзбекистон банклари ассоциацияси ва «Ahbor-Reyting» рейтинг агентлиги томонидан ўтказилган ўрганиш жараёнларида банкдан олинган маълумотлар сифат ва даромадлилик, ҳажмий, самарадорлик ва хатарлар билан боғлиқ кўрсаткичлар доирасида таҳлил қилиниб, умумлаштирилганида жами 85,6 балл тўпланди.
Эслатиб ўтамиз, 2019 йилнинг ноябрь ойида «Ahbor-Reyting» рейтинг агентлиги «Ўзсаноатқурилишбанк»ка хизмат кўрсатиш сифатининг энг юқори — qA1 даражасини берган эди.
«Ahbor-Reyting» рейтинг агентлиги 1995 йилда ҳукумат қарори билан тузилган бўлиб, Ўзбекистондаги биринчи рейтинг агентлиги ҳисобланади. Агентлик тижорат банклари ва шу каби молиявий компанияларнинг банк хизматларини мониторинг қилиб боради ва шу асосида рейтинг тузади.
Реклама ҳуқуқи асосида.
Изоҳ (0)