АҚШ президентлигига ўз номзодини Демократлар партиясидан илгари сурган Нью-Йорк собиқ мэри Майкл Блумберг сайловолди кампанияси доирасида солиқ ислоҳотига оид таклифларини эълон қилди, деб хабар беради «РБК».
Миллиардернинг фикрича, бу Америка бюджети учун ўн йил давомида қўшимча 5 триллион доллар олиб келади.
Таклифда бойлар учун янги солиқ жорий этиш кўзда тутилган. Блумберг йиллик даромади 5 миллион доллардан ортиқ бўлган миллиардер ва йирик компанияларни қўшимча 5 фоизли солиққа тортишни таклиф қилмоқда. Бу эса ҳисоб-китобларга кўра, Қўшма Штатлардаги 0,1 фоиз солиқ тўловчига тааллуқли холос.
Блумбергнинг яна бир ташаббуси — амалдаги президент Дональд Трамп томонидан «тенгсизликни камайтирмасдан, балки уни мустаҳкамлаш» таклифига оид ислоҳотларни бекор қилиш. Шунингдек, у капитали кам даромадли америкалик солиқ тўловчилар учун даромад солиғининг доимий ставкаси билан солиқ ставкасини тенглаштиришни таклиф қилди.
Блумбергнинг режаси «бадавлад инсонлар ва корпорацияларга пул тикилишини ошириш, турли ‘тирқишлар’ни ёпиш, солиқ тўлашдан қочиш, кўчмас мулк солиғини ошириш ва инвесторларнинг ишчиларга нисбатан солиқ имтиёзларини камайтиришга» мўлжалланган.
Аввалроқ Майкл Блумберг Трампни ортда қолдириш учун сайлов пойгаларига миллиард доллар сарфлашга тайёрлигини маълум қилганди.
Изоҳ (0)