Футбол бўйича Англия чемпионати 22-турининг марказий учрашувида «Тоттенҳэм» ва «Манчестер Сити» жамоалари ўзаро баҳс юритди.
Жозе Моуриньо қўл остидаги «Тоттенҳэм» Хосеп Гвардиоланинг «Манчестер Сити»сини таслим қилишга муваффақ бўлди. Учрашувнинг 60-дақиқасида Олександр Зинченконинг иккинчи сариқ карточкасидан кейин «шаҳарликлар» бир киши кам бўлиб қолди.
Орадан уч дақиқа ўтиб «шпорлар» сафида дебютини нишонлаган Стевен Бергвейн ҳисобни очди. 71-дақиқада Сон Ҳён Мин майдон эгаларининг иккинчи голини урди.
Шу тариқа «Тоттенҳэм» ушбу ғалабадан кейин очколарини 37 тага етказиб олган ҳолда бешинчи ўринга кўтарилди. «Манчестер Сити» (51) эса иккинчи ўринда қолди ва пешқадам «Ливерпуль» билан ўртадаги фарқ 22 очкони ташкил қилмоқда.
АПЛ
25-тур баҳслари
2 февраль, якшанба
«Тоттенҳэм» — «Манчестер Сити» 2:0
Голлар: 1:0 — 63 Бергвейн, 2:0 — 71 Сон Ҳён Мин«Тоттенҳэм»: Льорис, Орье, Алдервейрелд, Санчес, Танганга, Лукас Моура (Дайер, 84), Алли (Ндомбеле, 70), Сон Ҳён Мин, Ло Чельсо, Бергвейн (Ламела, 70), Уинкс.
«Манчестер Сити»: Эдерсон, Отаменди, Зинченко, Уокер, Фернандино, Родри Эрнандес, Гундўған, Маҳрез (Габриэль Жезус, 72), де Брюйне, Стерлинг (Бернарду Сильва, 84), Агуэро (Жоау Канселу, 64).
Огоҳлантиришлар: Стерлинг (12), Уокер (33), Алдервейрелд (42), Зинченко (42), Ло Чельсо (66).
Четлатиш: Зинченко (60).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)