Жули Уиллис ва Гарри Уилсон 60 та кенгуруни ўз уйига олиб кетган. Кенгуруларнинг аксар қисми яшил қитъада бир неча ой давом этган ўрмон ёнғинлари вақтида ота-онасини йўқотиб етим қолган. Оила ўнлаб кенгуруларга ғамхўрлик қилмоқда, кичик кенгуруларнинг ҳам куч тўплаши учун уларга кўмак бермоқда.
Жули ва Гари 20 йилдан бери кенгуру қўриқхонасини бошқариб келади, улар ўрмон ёнғинларида етим қолган кенгуру, валлаби ва опоссумларни парваришламоқда. Эр-хотинларнинг маълумот беришича, ушбу ҳудуддаги ҳайвонларнинг 80 фоизи ёнғинлар туфайли ҳалок бўлган.
Кенгуру Жои Виталибда яшовчи Жули Уиллис ва Гари Уилсоннинг қарамоғида.
Ёш кенгуруларнинг аксарияти ёнғинлар оқибатида оналаридан айрилган.
Валлаби кенгуручасининг онаси Виталибдаги ёнғинлардаги оғир жароҳатлар туфайли ухлатиб ўлдиришга тўғри келган, яна бир кенгурунинг онасини машина остида ҳалок бўлган.
Эр-хотинлар кенгуручалар она меҳрини ҳис қилиши ва хавфсизликда бўлиши учун уларнинг оналари халтасига ўхшаш халтачалар тикиб берган.
Жули The Glen Innes Examiner маҳаллий газетасига берган интервьюсида ёнғинлар туфайли кенгуруларнинг кўпчилик қисми йўқолиб кетгани ва опоссумларнинг ҳам кам қисми омон қолганини билдирган.
«Ҳалок бўлган ва куйиб кетган кенгуру ҳамда опоссумларнинг жасадлари йўллар четида ётарди. Фермерларнинг от, чўчқа, алпак ва эчкилари ҳам олов ичида қолиб ҳалок бўлган».
Жули Уиллис 20 йилдан ортиқ вақт давомида кенгуру ва бошқа халтали ҳайвонларга меҳрини бериб келади.
Жули Уиллис ва Гари Уилсон ўз уйлари ёнида.
2019 йил Австралия учун энг иссиқ ва қуруқ давр бўлди, ўрмон ёнғинлари уч ойдан ортиқ вақт давом этди ва табиатга жуда катта зиён етказди.
Австралияда ҳар йили ўрмон ёнғинлари кузатилади, аммо ўтган йили улар анча барвақт бошланди ва узоқроқ давом этди.
Изоҳ (0)