Осиё Чемпионлар Лигасининг учинчи саралаш босқичида Жанубий Кореянинг «Сеул» ва Малайзиянинг «Кедаҳ» жамоалари 28 январь, сешанба куни ўзаро баҳс олиб борди.
Учрашувнинг 37-дақиқасида меҳмонлар футболчиси Ренан Алвес ўз жарима майдони ичида қўл билан ҳаракат қилгани учун иккинчи сариқ карточкасини олди ва майдондан четлатилди. Белгиланган пенальтини Парк Чу Йон аниқ амалга оширди. 49-дақиқада кореяликлар Парк Дон Жиннинг аниқ зарбасидан кейин иккинчи гол урди.
Орадан кўп ўтмай «Сеул» легионери Осмар ўз дарвозасини ишғол қилиб қўйди. 63-дақиқада Осмар майдон эгаларининг учинчи голини уриб, ўз хатосини тўғирлади. Ўйинга ҳакам томонидан қўшиб берилган вақтда ўзбекистонлик футболчи Икром Алибоев жарима майдони ташқарисидан ажойиб зарба йўллаб ҳисобни йирик кўринишга олиб келди.
Шу тариқа «Сеул» Осиё Чемпионлар Лигасининг гуруҳ босқичига йўл олди ва «Бейжинг», «Чианграи Юнайтед», «Мелбурн Виктори» каби жамоалар билан баҳс олиб боради.
ОЧЛ—2020
Учинчи саралаш босқичи
28 январь, сешанба
«Сеул» (Жанубий Корея) — «Кедаҳ» (Малайзия) 4:1
Голлар: 1:0 — 39, пенальти Парк Чу Йон, 2:0 — 49 Парк Дон Жин, 2:1 — 52, автогол Осмар, 3:1 — 63 Осмар, 4:1 — 90+2 Алибоев.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)