Тошкентнинг «Бунёдкор» жамоаси Осиё Чемпионлар Лигаси учинчи саралаш босқичида 28 январь, сешанба куни Бирлашган Араб Амирликларининг «Ал-Айн» клубига қарши баҳс олиб борди.
Учрашувнинг биринчи бўлими тенг курашлар остида ўтди. Иккинчи бўлимда амирликлар фаолликни оширди. 78-дақиқада Сайид Жума мезбонларни олдинга олиб чиқди. Қолган вақтда ҳисоб ўзгармади ва «Бунёдкор» Чемпионлар Лигаси гуруҳ босқичи йўлланмасидан қуруқ қолди.
Шу тариқа мусобақанинг 2020 йилги мавсумида Ўзбекистондан фақат «Пахтакор» жамоаси иштирок этади. Аввалроқ «Локомотив» Тожикистоннинг «Истиқлол» клубига ютқазиб, саралаш босқичини тарк этганди.
ОЧЛ—2020
Учинчи саралаш босқичи
28 январь, сешанба
«Ал-Айн» (БАА) — «Бунёдкор» (Ўзбекистон) 1:0
Гол: 1:0 — 78 Сайид Жума«Ал-Айн»: Холид Ийсо, Сайид Жума, Цукаса Шиотани, Салим Абдуллоҳ (Муҳаммад Аҳмад, 90+1), Исмоил Аҳмад, Яҳё Надер, Аҳмад Барман (Фалаҳ Волид, 90+4), Муҳаммад Абдулраҳмон, Бандар ал-Аҳбаби, Умар Ёсин, Кожо Лаба
«Бунёдкор»: Абдумавлон Абдулжалилов, Анвар Ғофуров, Мурод Холмуҳамедов, Ҳасан Йўлдошев (Фаррух Икромов, 35), Дилшод Аҳмадалиев (Даврон Эргашев, 87), Лутфулла Тўраев, Ғуломхайдар Ғуломов, Сардор Абдураимов, Сухроб Иззатов (Бобур Фарҳодов, 70), Жасур Жалолиддинов, Ҳумоюн Муртазоев.
Огоҳлантиришлар: Барман (38), Абдуллоҳ (90+1).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)