Ўзбекистоннинг Япониядаги фавқулодда ва мухтор элчиси бўлиб ишлаган Мирсобит Очилов Япония билан Ўзбекистон ўртасидаги муносабатларни ривожлантириш ва дўстона алоқаларни мустаҳкамлашдаги хизматлари учун Япония Императори номидан орден билан мукофотланди, деб хабар беради ЎзА.
Дипломатга орденни Япониянинг Ўзбекистондаги элчиси Ёшинори Фужияма топширди.
Мирсобит Очилов 2001—2008 йиллар оралиғида Ўзбекистоннинг Япониядаги элчиси бўлиб ишлаган.
Эслатиб ўтамиз, ҳозирда Ўзбекистоннинг Япониядаги элчиси сифатида ишлаб келаётган Ғайрат Фозилов 2017 йили ушбу лавозимга тайинланган эди. 2019 йилнинг апрелида таниқли япон актрисаси Маэда Ацуко Ўзбекистоннинг Япониядаги фахрий туризм элчиси этиб тайинланганди.
Изоҳ (0)