«Тоттенҳэм» уч ой олдин (20 ноябрь, 2019 йил) дунё футболида «ўзгача» деб таърифланадиган Жозе Моуриньога жамоа бош мураббийлигини ишониб топширган эди. Блогер Валера Полевиков Жозенинг «шпорлар» сафидаги дастлабки уч ойининг энг эсда қоларли воқеликларини бир саҳифага жойлади.
1. «Болбой» билан дўст тутинди
Лондонда «Тоттенҳэм» Чемпионлар Лигаси доирасида «Олимпиакос»ни 4:2 ҳисобида мағлуб этди. Ўйин вақтида тўп узатувчи «болбой» тезкор ҳужум уюштираётган Серж Орьега тўпни жуда тез узатди. Унинг ҳужуми эса гол билан якунланди. Учрашувдан сўнг: «Биз ўша болакайни ғалабани биз билан бирга нишонлаш учун кийим алмаштириш хонасига таклиф этишни хоҳлагандик. Бироқ у кетиб бўлганди». Аммо ўша болакай кейинроқ «шпорлар»нинг кечки овқат дастурхонига таклиф қилинди. У Лондон клуби футболчилар ва мураббийлар штаби билан танишиш бахтига муяссар бўлди.
2. Бироз жароҳат олди
«Манчестер Юнайтед»га қарши баҳсда Даниэль Жеймс кутилмаганда Жозе Моуриньо турган майдон четига учиб келиб қолади. Ва Жозе Жеймс билан тўқнашиб, майдонга қулайди. Моуриньо оқсоқланиб қолди, бироқ оёқда туриб, ўйин сўнгига қадар майдонда бўлди.
3. Итинининг ўлимини эслаб кўз ёш тўкди
«Брайтон»га қарши баҳс олдидан итининг ўлимини ёдга олиб кўз ёшларини тия олмади: «Жуда ҳам оғир бўлганди. Боиси менинг итим ўлди. У эса оилам аъзоси эди. Қийин бўлганди, аммо биз олға боришда давом этишимиз лозим», — дейди Жозе.
4. Ўйин вақтида «Саутҳэмптон» мураббийининг блокнотидаги ёзувларга қараб олди ва учрашувдан сўнг уни аҳмоқ дея атади
«Саутҳэмптон»га қарши баҳсда рақиб бош мураббийи ёрдамчиси блокнотига кўз ташлаб, сўнгра у билан даҳанаки жангга киришиб кетди. Ҳакам эса бу ҳаракат учун Жозега сариқ карточка кўрсатди. Ўйиндан сўнг эса шундай деди: «Мен қўполлик қилдим. Аммо аҳмоққа нисбатан қилдим. Сариқ карточкага эса лойиқман».
Янада кўпроқ таржималар билан таниш бориш учун @Daryo_sport$/ЭХ$ каналига обуна бўлинг!
Жозе шундоқ ҳам жамоа голларининг асосий қисмига эгалик қиладиган Ҳарри Кейнни янги «Тоттенҳэм»нинг асосий фигурасига айлантирди. Жамоада тўпга эгалик қилиш кўрсаткичлари тушиб кетди. Бироқ Кейн тўпга кўпроқ тега бошлади. Кичик паслардан кўра, Кейнга узоқдан узатмалар бериш кўпайтирилди. Ҳаррининг жароҳати эса Жозега қаттиқ зарба берди. Кейн энди катта эҳтимол билан мавсумнинг энг қайноқ қисмини ўтказиб юборади. «У майдонда бўлган вақтдагидек ўйин намойиш қила олмаслигимиз мумкинлигини тушуниш лозим. Ҳарри билан қила оладиган ишимизни усиз бажара олмаймиз», — деди Жозе.
Жозе ҳар доим «ўзгача» бўлиб қолаверади.
Жозе Моуриньонинг «Тоттенҳэм»даги статистикаси:
- 15 та ўйин
- 7 та ғалаба
- 3 та дуранг
- 5 та мағлубият
Изоҳ (0)