“Tottenhem” uch oy oldin (20-noyabr, 2019-yil) dunyo futbolida “o‘zgacha” deb ta’riflanadigan Joze Mourinyoga jamoa bosh murabbiyligini ishonib topshirgan edi. Bloger Valera Polyevikov Jozening “shporlar” safidagi dastlabki uch oyining eng esda qolarli voqeliklarini bir sahifaga joyladi.
1. “Bolboy” bilan do‘st tutindi
Londonda “Tottenhem” Chempionlar Ligasi doirasida “Olimpiakos”ni 4:2 hisobida mag‘lub etdi. O‘yin vaqtida to‘p uzatuvchi “bolboy” tezkor hujum uyushtirayotgan Serj Oryega to‘pni juda tez uzatdi. Uning hujumi esa gol bilan yakunlandi. Uchrashuvdan so‘ng: “Biz o‘sha bolakayni g‘alabani biz bilan birga nishonlash uchun kiyim almashtirish xonasiga taklif etishni xohlagandik. Biroq u ketib bo‘lgandi”. Ammo o‘sha bolakay keyinroq “shporlar”ning kechki ovqat dasturxoniga taklif qilindi. U London klubi futbolchilar va murabbiylar shtabi bilan tanishish baxtiga muyassar bo‘ldi.
2. Biroz jarohat oldi
“Manchester Yunayted”ga qarshi bahsda Daniel Jeyms kutilmaganda Joze Mourinyo turgan maydon chetiga uchib kelib qoladi. Va Joze Jeyms bilan to‘qnashib, maydonga qulaydi. Mourinyo oqsoqlanib qoldi, biroq oyoqda turib, o‘yin so‘ngiga qadar maydonda bo‘ldi.
3. Itinining o‘limini eslab ko‘z yosh to‘kdi
“Brayton”ga qarshi bahs oldidan itining o‘limini yodga olib ko‘z yoshlarini tiya olmadi: “Juda ham og‘ir bo‘lgandi. Boisi mening itim o‘ldi. U esa oilam a’zosi edi. Qiyin bo‘lgandi, ammo biz olg‘a borishda davom etishimiz lozim”, — deydi Joze.
4. O‘yin vaqtida “Sauthempton” murabbiyining bloknotidagi yozuvlarga qarab oldi va uchrashuvdan so‘ng uni ahmoq deya atadi
“Sauthempton”ga qarshi bahsda raqib bosh murabbiyi yordamchisi bloknotiga ko‘z tashlab, so‘ngra u bilan dahanaki jangga kirishib ketdi. Hakam esa bu harakat uchun Jozega sariq kartochka ko‘rsatdi. O‘yindan so‘ng esa shunday dedi: “Men qo‘pollik qildim. Ammo ahmoqqa nisbatan qildim. Sariq kartochkaga esa loyiqman”.
Yanada ko‘proq tarjimalar bilan tanish borish uchun @Daryo_sport kanaliga obuna bo‘ling!
Joze shundoq ham jamoa gollarining asosiy qismiga egalik qiladigan Harri Keynni yangi “Tottenhem”ning asosiy figurasiga aylantirdi. Jamoada to‘pga egalik qilish ko‘rsatkichlari tushib ketdi. Biroq Keyn to‘pga ko‘proq tega boshladi. Kichik paslardan ko‘ra, Keynga uzoqdan uzatmalar berish ko‘paytirildi. Harrining jarohati esa Jozega qattiq zarba berdi. Keyn endi katta ehtimol bilan mavsumning eng qaynoq qismini o‘tkazib yuboradi. “U maydonda bo‘lgan vaqtdagidek o‘yin namoyish qila olmasligimiz mumkinligini tushunish lozim. Harri bilan qila oladigan ishimizni usiz bajara olmaymiz”, — dedi Joze.
Joze har doim “o‘zgacha” bo‘lib qolaveradi.
Joze Mourinyoning “Tottenhem”dagi statistikasi:
- 15 ta o‘yin
- 7 ta g‘alaba
- 3 ta durang
- 5 ta mag‘lubiyat
Izoh (0)