Футбол бўйича Италия А Сериясининг 20-тури доирасида 18 январь, шанба куни 3 та беллашув якунланди.
Симоне Инзаги қўл остидаги Римнинг «Лацио» клуби «Стадио Олимпико»да «Сампдория»ни синовдан ўтказди.
Учрашув давомида Рим клуби вакиллари Фелипе Кайседо (7), Чиро Иммобиле (17—пенальти, 20, 65—пенальти) ҳамда Баштуш (54) томонидан урилган голларга меҳмонлар Кароль Линетти (70)нинг голи билан жавоб қайтарди.
Шу тариқа римликлар ўз уйида кечган баҳсда «Сампдория»ни йирик 5:1 ҳисобида мағлубиятга учратди ва 3 очкога эга бўлди.
Қайд этиш жоиз, ўйиннинг 73-дақиқасида «Сампдория» ҳимоячиси Юлиан Шабо ҳакам томонидан қизил карточка билан жазоланди.
Мазкур ғалабадан сўнг мусобақа жадвалида 3-ўринда бораётган «Лацио» очколари сонини 45 тага етказиб олди. «Сампдория» эса 19 очко билан 16-ўринда бормоқда.
Шу куни Женнаро Гаттузо бошлиқ «Наполи» «Фиорентина» майдонига сафар қилди.
Тўқнашувнинг 26-дақиқасида мезбон жамоа ярим ҳимоячиси Федерико Кьеза ҳисобни очган бўлса, 74-дақиқага келиб сербиялик ҳужумчи Душан Влахович ҳисобни 2:0 кўринишига олиб келди.
Натижада ўйин 0:2 ҳисобида «Наполи»нинг мағлубияти билан якунланди.
Маълумот учун, «Наполи» 24 очко тўплаб, мусобақа жадвалида 13-ўринни банд қилиб турибди. «Фиорентина» эса 24 очко йиғиб, 12-ўриндан жой олди.
А Серия
20-тур баҳслари
«Лацио»—«Сампдория» 5:1
Голлар: 1:0 — 7 Кайседо, 2:0 — 17, пенальти Иммобиле, 3:0 — 20 Иммобиле, 4:0 — 54 Баштуш, 5:0 — 65, пенальти Иммобиле, 5:1 — 70 Линетти«Сассуоло»—«Торино» 2:1
Голлар: 0:1 — 20, автогол, 1:1 — 61 Бога, 2:1 — 73 Берарди«Наполи»—«Фиорентина» 0:2
Голлар: 0:1 — 26 Кьеза, 0:2 — 74 ВлаховичЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)