Futbol bo‘yicha Italiya A Seriyasining 20-turi doirasida 18-yanvar, shanba kuni 3 ta bellashuv yakunlandi.
Simone Inzagi qo‘l ostidagi Rimning “Latsio” klubi “Stadio Olimpiko”da “Sampdoriya”ni sinovdan o‘tkazdi.
Uchrashuv davomida Rim klubi vakillari Felipe Kaysedo (7), Chiro Immobile (17—penalti, 20, 65—penalti) hamda Bashtush (54) tomonidan urilgan gollarga mehmonlar Karol Linetti (70)ning goli bilan javob qaytardi.
Shu tariqa rimliklar o‘z uyida kechgan bahsda “Sampdoriya”ni yirik 5:1 hisobida mag‘lubiyatga uchratdi va 3 ochkoga ega bo‘ldi.
Qayd etish joiz, o‘yinning 73-daqiqasida “Sampdoriya” himoyachisi Yulian Shabo hakam tomonidan qizil kartochka bilan jazolandi.
Mazkur g‘alabadan so‘ng musobaqa jadvalida 3-o‘rinda borayotgan “Latsio” ochkolari sonini 45 taga yetkazib oldi. “Sampdoriya” esa 19 ochko bilan 16-o‘rinda bormoqda.
Shu kuni Jennaro Gattuzo boshliq “Napoli” “Fiorentina” maydoniga safar qildi.
To‘qnashuvning 26-daqiqasida mezbon jamoa yarim himoyachisi Federiko Kyeza hisobni ochgan bo‘lsa, 74-daqiqaga kelib serbiyalik hujumchi Dushan Vlaxovich hisobni 2:0 ko‘rinishiga olib keldi.
Natijada o‘yin 0:2 hisobida “Napoli”ning mag‘lubiyati bilan yakunlandi.
Ma’lumot uchun, “Napoli” 24 ochko to‘plab, musobaqa jadvalida 13-o‘rinni band qilib turibdi. “Fiorentina” esa 24 ochko yig‘ib, 12-o‘rindan joy oldi.
A Seriya
20-tur bahslari
“Latsio”—“Sampdoriya” 5:1
Gollar: 1:0 — 7 Kaysedo, 2:0 — 17, penalti Immobile, 3:0 — 20 Immobile, 4:0 — 54 Bashtush, 5:0 — 65, penalti Immobile, 5:1 — 70 Linetti“Sassuolo”—“Torino” 2:1
Gollar: 0:1 — 20, avtogol, 1:1 — 61 Boga, 2:1 — 73 Berardi“Napoli”—“Fiorentina” 0:2
Gollar: 0:1 — 26 Kyeza, 0:2 — 74 VlaxovichYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)