Ижтимоий тармоқлар фойдаланувчилари томонидан диний-экстремизм қораланган, тинчликка таҳдид солувчи кучларнинг маънавий қиёфаси акс эттирилган фильмларнинг мақсад-мазмуни, ғоясини нотўғри талқин этиш ҳолатлари учрамоқда, деб ёзади ЎзА.
«Ўзбеккино» Миллий агентлиги томонидан ишлаб чиқарилаётган фильмлар сценарий босқичидаёқ Бадиий кенгаш аъзолари томонидан муҳокама қилиниб, фильмда маънавиятга мос келмайдиган, диний-экстремизмни тарғиб этувчи, ҳудудий айирмачиликка ундовчи, конституцион тузумга қарши саҳналар бўлишига йўл қўйилмайди. Фильм лойиҳаси Бадиий кенгаш низомига мос келмаса ва юқоридаги ҳолатлар кузатилса, сценарий ўтказилмайди.
Шуни айтиш лозимки, «Ўзбеккино« Миллий агентлиги томонидан ишлаб чиқарилаётган миллий фильмларда бирор миллатни, динни ва тилни камситишга йўл қўйилмайди. Бадиий кенгаш фильмнинг бадиий ва ғоявий даражаси билан бирга киноасарнинг конституцион нормаларга мос келиш-келмаслигини ҳам назорат қилади, дейилади хабарда.
Изоҳ (0)