Тошкентнинг Олмазор туманида 14 январь, сешанба куни соат 16:00 атрофида 3-Беруний даҳасидаги беш қаватли уйнинг бешинчи қаватида уч ёш-у 11 ойлик бола осилиб қолгани ҳақидаги видеохабар ижтимоий тармоқларда шов-шувга айланганди. Бола уйда ёлғиз қолганлиги сабабли ўйнаб, деразадан чиқиб кетган, лекин у аҳоли томонидан пастда адёл тутиб ушлаб қолинган.
Соғлиқни сақлаш вазирлиги матбуот хизматининг хабар беришича, 15 январь куни Республика шошилинч тез тиббий ёрдам илмий маркази болалар мажмуасида малакали шифокорлар томонидан бола такрорий тиббий текширувдан ўтказилди. Текширув натижаларига кўра, бола оғир жароҳат олмаганлиги ва аҳволи яхши экани яна бир бор тасдиқланди.
«Ушбу кутилмаган ҳолатдан ҳали ҳам шокдаман. Фарзандим шамоллагани учун бир муддатга уйда қолдириб, бошқа боламни мактабдан олиб келиш учун чиққандим. Шу орада фалокат оёқ остида деганларидек, бу воқеа бўлиб турибди. Қўшни ва шифокорлардан боламнинг ҳаётини асраб қолишдаги беминнат ёрдами учун жуда ҳам миннатдорман», — деган боланинг онаси.
Изоҳ (0)