Фарғона вилояти Бувайда туманида ҳайдовчи “Волга”да 6 яшар болани уриб юбориб, унинг ўлимига сабабчи бўлди. Бу ҳақда вилоят ЙҲХБ матбуот хизмати хабар берди.
Унга кўра, ЙТҲ 16 август куни соат 16:30 ларда Бувайда тумани “Деҳқонобод” МФЙ ҳудудидан ўтган автомобиль йўлида юз берган. 33 ёшли Т.М. “Газ-3110” автомобилини бошқариб кетаётиб, велосипедда йўлнинг қатнов қисмига чиқиб кетган 6 яшар Х.М.ни уриб юборган.
Оқибатда тан жароҳати олган бола шифохонага олиб борилган. Бироқ кўрсатилган тиббий ёрдамга қарамасдан ўша ерда вафот этган.
Ҳозирда мазкур ҳолат юзасидан Бувайда тумани ИИБда тергов ҳаракатлари олиб борилмоқда.
11 август куни Андижон шаҳрида Damas пиёдалар йўлакчасидан ўтаётган 9 ёшли болани уриб юборганди. Тан жароҳатлари олган бола шифохонага ётқизилганди.
Изоҳ (0)