Ғузор туманининг чекка қишлоқларидан бири «Оқнура» қишлоғидаги 1000 та хонадон тоза ичимлик суви билан таъминланадиган бўлди. Бу ҳақда «Дарё»га вилоят ҳокимлиги ахборот хизмати маълум қилди.
Маълум бўлишича, 425 миллион сўм маблағ эвазига «Оқнура» қишлоғида сув тақсимлаш иншооти қурилиши бошланган бўлиб, 2020 йил 1 апрель куни ишга тушади. Ва қишлоқдаги 1000 та хонадонга тоза чимлик суви боради.
— Ўзбекистон Республикаси Президентининг 2018 йил 30 ноябрдаги «Ўзбекистон Республикасида ичимлик суви таъминоти ва канализация тизимларини ривожлантириш бўйича қўшимча чора-тадбирлар тўғрисида»ги қарори асосида ажратилган 425 миллион сўм миқдоридаги маблағ ҳисобига 2020 йилнинг биринчи ярмида ишга тушириладиган Ғузор тумани «Оқнура» қишлоғида қурилаётган сув тақсимлаш иншооти орқали Ғармистон, Каттақишлоқ ҳудудида яшайдиган 1000 хўжалик тоза ичимлик суви билан таъминланади, — дейилади ҳокимлик ахборот хизмати хабарномасида.
Каттақишлоқ, Ғармистон қишлоқларида истиқомат қилаётган аҳолининг айтишича ичимлик суви танқислиги аҳолини қийнайдиган муаммолардан бири бўлган.
Изоҳ (0)