G‘uzor tumanining chekka qishloqlaridan biri “Oqnura” qishlog‘idagi 1000 ta xonadon toza ichimlik suvi bilan ta’minlanadigan bo‘ldi. Bu haqda “Daryo”ga viloyat hokimligi axborot xizmati ma’lum qildi.
Ma’lum bo‘lishicha, 425 million so‘m mablag‘ evaziga “Oqnura” qishlog‘ida suv taqsimlash inshooti qurilishi boshlangan bo‘lib, 2020-yil 1-aprel kuni ishga tushadi. Va qishloqdagi 1000 ta xonadonga toza chimlik suvi boradi.
— O‘zbekiston Respublikasi Prezidentining 2018-yil 30-noyabrdagi “O‘zbekiston Respublikasida ichimlik suvi ta’minoti va kanalizatsiya tizimlarini rivojlantirish bo‘yicha qo‘shimcha chora-tadbirlar to‘g‘risida”gi qarori asosida ajratilgan 425 million so‘m miqdoridagi mablag‘ hisobiga 2020-yilning birinchi yarmida ishga tushiriladigan G‘uzor tumani “Oqnura” qishlog‘ida qurilayotgan suv taqsimlash inshooti orqali G‘armiston, Kattaqishloq hududida yashaydigan 1000 xo‘jalik toza ichimlik suvi bilan ta’minlanadi, — deyiladi hokimlik axborot xizmati xabarnomasida.
Kattaqishloq, G‘armiston qishloqlarida istiqomat qilayotgan aholining aytishicha ichimlik suvi tanqisligi aholini qiynaydigan muammolardan biri bo‘lgan.
Izoh (0)