2019 йилда жисмоний шахслар томонидан валюта айирбошлаш шохобчалари орқали сотилган чет эл валютаси миқдори 3,8 миллиард долларни ташкил этди. Марказий банкнинг матбуот хизматининг хабар беришича, бу кўрсаткич аввалги йилга нисбатан 41 фоизга ошди. 2018 йилда чет эл валютасига бўлган талаб 2,7 миллиард долларни ташкил этган.
Айни пайтда жисмоний шахслар томонидан 1,8 миллиард доллар сотиб олиниб, мазкур кўрсаткич 2018 йилга (975 миллиард доллар) нисбатан 1,9 баробарга ўсган.
Ҳисобот даврида банклар ва жисмоний шахслар ўртасидаги валюта олди-сотди операциялари ҳажми салдоси 2 миллиард долларини ташкил этиб, 2018 йилга нисбатан 16 фоизга ошган.
Шу билан бирга, халқаро пул ўтказмалари ҳажмининг мавсумий камайишига қарамай, 2019 йилнинг декабрь ойида жисмоний шахслар томонидан нақд чет эл валютасини сотиш (500 миллион доллар) ва сотиб олиш (305 миллион доллар) ҳажми тарихий максимал даражага етди.
Ушбу ҳолат йил якунида аҳоли ва тадбиркорларнинг ўз молиявий мажбуриятларини бажариши фаоллашганлиги билан изоҳланган.
Изоҳ (0)