2020 йил 3 январь куни Қашқадарёда ЙПХ ходими ва ҳайдовчи ўртасида можаро келиб чиққани, ҳайдовчи ЙПХ ходимининг боди-камераси ишлаётганига шубха қилгани ҳақида хабар берилганди. Қашқадарё ИИБ Йўл ҳаракати хавфсизлиги бошқармаси ахборот хизмати раҳбари Жавлон Бахтиевнинг «Дарё»га маълум қилишича, ҳайдовчининг айби исботланиб, суд қарори эълон қилинган.
Маълум бўлишича, Косон туман Маъмурий суди 2020 йил 7 январь куни ҳайдовчи Руслан Каримов ишини кўриб чиққан. Судга боди-камерда ёзилган видео ҳам тақдим этилган. Судда келтирилган далиллар ва гувоҳларнинг сўзи тингланиб, қоидабузар ҳайдовчи ЙПХ ходимининг қонуний талабини бажармагани исботланган.
Шунга кўра суд ҳайдовчи Руслан Каримовни Маъмурий жавобгарлик тўғрисидаги кодекснинг 128-модда 1-қисми, 135-модда 1-қисми ва 194-моддаси 1-қисмида назарда тутилган ҳуқуқбузарликларни содир этганликда айбдор деб топиб, унга базавий ҳисоблаш миқдорининг 3 баравари миқдорида яъни 669 минг сўм жарима жазосини тайинлаган.
Изоҳ (0)