Рашид Ҳолиқов рафиқасига BМW Х7, келинига Malibu совға қилди (видео)

Ўзбекистонда хизмат кўрсатган артист Рашид Ҳолиқов 4 январь куни бобо бўлди. Унинг иккинчи ўғли Ислом ўғил фарзанд кўрди.

Эмин деб исм қўйилган чақалоқ 7 январь куни туғруқхонадан олиб чиқилди. Шу муносабат билан Рашид Ҳолиқовнинг хонадонида катта тантана ташкил этилди. Хонанданинг Instagram’даги stories ва жонли эфиридан тантанага жуда кўп меҳмон, хусусан, аксарият шоу-бизнес вакиллари ташриф буюрганини кўриш мумкин.

Рашид Ҳолиқов ўғил набирани дунёга келтирган келини Файрузага Malibu Тurbo, рафиқасига эса BМW Х7 автомобилини совға қилди.

Маълумот учун, Рашид Ҳолиқов ўғли Исломни 2018 йилнинг 7 апрелида уйлантирган эди.