Ички ишлар органлари ва бошқа ҳуқуқ тартибот идоралари билан ҳамкорликда жорий йил 7 январь куни Наманган вилояти ҳудудида тезкор-тергов тадбирлари ўтказилди. Бу ҳақда «Дарё»га вилоят ИИБ матбуот хизмати маълум қилди.
Тезкор-тергов тадбирлари давомида Ўзбекистонда фаолияти тақиқланган террорчилик гуруҳлари эмиссарларининг таъсирига тушиб, қуролли тўқнашувлар давом этаётган чет мамлакатларга чиқиб кетишни режалаштирган бир неча фуқаро аниқланди.
Янгиқўрғон туманидаги бир нечта яшаш манзилларида тинтув ўтказилди ва ушбу фуқаролар тергов жараёнига жалб этилди.
Ушбу жараёнда мазкур шахслар уяли телефон хотирасида тақиқланган экстремистик материалларни сақлаб келаётганлиги ва уларни яширин тарзда тарқатаётганлиги маълум бўлди.
Ҳолат юзасидан тергов ҳаракатлари олиб борилмоқда.
Изоҳ (0)