Янги Ўзбекистоннинг янги парламент сайловлари якуний натижаси деярли эски Ўзбекистонникидек бўлди

Марказий сайлов комиссияси Олий Мажлис Қонунчилик палатаси депутатлигига номзодлар учун такрорий овоз бериш натижаларини эълон қилди.

Хабар беришларича, Олий Мажлиси Қонунчилик палатасига сайлов ўтказувчи 25 та сайлов округидаги 1 730 та сайлов участкасида такрорий овоз бериш ўтказилди.

Ушбу сайлов участкаларида 3,14 миллиондан ортиқ сайловчи рўйхатга олинган эди — улардан салкам 2 миллиони (62,8 фоизи) такрорий овоз беришда қатнашган.

Сайловларнинг умумий якунларига кўра, Олий Мажлис Қонунчилик палатасида сиёсий партиялар қуйидагича депутатлик ўринларига эга бўлди:

• ЎзЛиДеП — 53 нафар (35 фоиз);
• «Миллий тикланиш» — 36 нафар (24 фоиз);
• «Адолат» СДП — 24 нафар (16 фоиз);
• ЎзХДП — 22 нафар (15 фоиз);
• Экопартия — 15 нафар (10 фоиз).