Соғлиқни сақлаш вазирлиги томонидан берилган сўнгги маълумотларга кўра, янги йилнинг биринчи кунида 1974 нафар чақалоқ дунёга келди. Бу сўнгги уч йилдаги энг юқори кўрсатгич ҳисобланиб, 2018 йилнинг худди шу куни 1961 нафар, 2019 йилнинг 1 январь куни эса 1708 нафар чақалоқ дунёга келганди. Аввалроқ 2020 йилнинг 1 январь куни соат 18:00 ҳолатига кўра, Ўзбекистонда 1111 нафар чақалоқ туғилгани ҳақида хабар берилганди.
1 январь куни туғилган чақалоқларнинг 970 нафари қиз, 1004 нафари эса ўғил бола бўлиб, энг кўп бола Самарқанд вилоятида (235 нафар), иккинчи ўринда Андижон вилояти (212 нафар) ва учинчи ўринда эса Фарғона вилояти (196 нафар)да туғилди. Шунингдек, янги туғилган чақалоқлар рейтингининг сўнгги ўринларидан Навоий вилояти 46 нафар, Сирдарё вилояти 51 нафар ва Жиззах вилояти 75 нафар кўрсаткич билан жой олди. Чақалоқларнинг 10 нафарини эгизаклар ташкил қилади.
«Байрам муносабати билан давом этаётган дам олиш кунларида мавжуд 218 та туғруқ комплексида 2593 нафар тиббиёт ходими, жумладан, 389 нафар акушер гинеколог, 276 нафар неонатолог, 1928 нафар доя ва ҳамшира туну кун фаолият кўрсатишмоқда», — дейилади Соғлиқни сақлаш вазирлиги ахборотида.
Изоҳ (0)