Олий таълим ташкилотларининг таълим фаолиятини янада такомиллаштириш чора-тадбирлари тўғрисида Ўзбекистон Республикаси Президентининг тегишли қарори лойиҳаси жамоатчилик муҳокамасига қўйилди.
Лойиҳага кўра Вазирлар Маҳкамаси ҳузуридаги Таълим сифатини назорат қилиш давлат инспекциясига қуйидаги топшириқ ва вазифалар юклатилади:
таълим фаолиятига лицензия берилган олий таълим ташкилотлари ва қўшма факультетлар рўйхатини ўз расмий веб-сайтига жойлаштиради ҳамда доимий янгилаб борилишини таъминлайди;
ҳар ўқув йилида хорижий олий таълим ташкилотлари ва қўшма факультетларнинг педагог ходимлари ва талабалари ўртасида таълим жараёнининг ташкил этилиши ва сифатини аниқлашга оид аноним сўровномалар ўтказади ҳамда сўровномалар натижаларини таҳлил қилган ҳолда таълим сифатини ошириш бўйича таклифлар ишлаб чиқади.
Шундай тартиб ўрнатиладики, унга кўра:
қўшма таълим дастурлари ва факультетлар олий таълим ташкилотида мавжуд бўлган таълим йўналишлари ва мутахассисликлари негизида ташкил этилиши мумкин, лекин мавжуд таълим йўналишлари ва мутахассисликларига мос бўлган қўшма таълим дастурлари ва факультетлар ташкил этишга йўл қўйилмайди;
қўшма таълим дастурлари ва факультетларда таълим олаётган талабаларнинг ўқишини бошқа таълим йўналишлари ва мутахассисликларга кўчириш тақиқланади.
Шунингдек, лойиҳада Бош прокуратурага хорижий таълим муассасаларига киритиш мақсадида пул маблағларини ёки бошқа мол-мулкни жалб этишга доир ноқонуний фаолият, шунингдек, нодавлат олий таълим хизмати кўрсатиш фаолияти билан лицензиясиз шуғулланишга йўл қўймаслик соҳасидаги қонун ҳужжатларига риоя этилиши юзасидан назоратни кучайтириш ва қонунга зид ҳолатлар аниқланганда эса айбдор шахсларга нисбатан тегишли жавобгарлик чораларини қўллаш вазифаси юкланган.
Изоҳ (0)