Шимолий Корея етакчиси Ким Чен Ин КХДР ишчи партияси марказий кенгашининг ялпи мажлисининг учинчи кунида етти соат давомида мамлакат суверенитетини ҳимоя қилиш борасида амалга ошириш зарур бўлган сиёсий-дипломатик ва ҳарбий чора-тадбирлар ҳақида гапирди. Бу ҳақда Шимолий Корея телеграф агентлиги хабар қилган.
КХДР марказий кенгаши 5-ялпи мажлисининг биринчи куни давлат раҳбари Ким Чен Иннинг раислигида ўтган ва унда партия қурилиши ҳамда миллий мудофаа масалалари муҳокама қилинганди. Аввалроқ КХДР расмийлари декабрь охирида мамлакат ичи ва хорижда ўзгарган вазият муҳокама қилинишини хабар берган. Душанбада КХДР ОАВ иккинчи ялпи мажлисининг натижалари ва унинг учинчи кунда ҳам давом этиши ҳақида маълум қилган.
Ким Чен Ин ялпи мажлиснинг учинчи кунидаги йиғилишда етти соат давомида давлат қурилиши, иқтисодиёт ва қуролли кучларни ривожлантириш ҳақида гапирган. КХДР етакчиси маърузасида давлат бошқарувининг ўзига хосликлари, жумладан, мамлакат иқтисодиётини тартибга келтириш, қишлоқ хўжалигини ривожлантириш, илм-фан, таълим ва соғлиқни сақлаш соҳасига эътибор қаратиш, ишлаб чиқариш ҳажми ва сифатини ошириш, шунингдек, атроф-муҳитни асраш ҳамда табиий офатлардан муҳофаза масалалари хусусида тўхталган.
Мавзуга доир:
Ким Чен Ин инқилобнинг тўлиқ ғалаба қозониши ва халқнинг бахтли ҳаёт кечириши учун яна қийин ва узоқ давом этадиган кураш олиб борилиши, партия ролини ошириш, кадрлар сиёсати ва ахлоқ меъёрларига эътибор қаратиш лозимлигини билдирди.
Хабарга кўра, мажлис тўртинчи куни ҳам давом эттирилади.
Изоҳ (0)