2019 йилнинг январь–сентябрь ойлари давомида қашшоқ яъни даромадлари белгиланган энг кам яшаш қийматига етмайдиган одамлар сони Россияда 19,1 миллиондан (13 фоиз) 19,2 миллион нафарга етган (аҳолининг 13,1 фоизи). Бу ҳақда «Прайм» нашри хабар берган.
2019 йил учинчи чорагида қашшоқлар сони 2018 йилнинг мос даврига нисбатан 18,3 миллиондан (12,5 фоиз) 17,6 миллионгача (12 фоиз) камайган.
Россия статистика қўмитаси 2019 йил учун тўлиқ стастистик маълумотларни 2020 йил бошида эълон қилади.
Иқтисодиёт тараққиёти вазирлигининг прогнозига кўра, 2019 йилда Россияда қашшоқлик даражаси аҳолининг 12,5 фоизини ташкил этган. 2018 йилда ушбу рақам 12,6 фоизга тенг бўлганди.
Учинчи чоракда яшаш учун зарурий энг кам маблағ миқдори 11 012 рублни (қарийб 1,7 миллион сўм) ташкил этган.
Изоҳ (0)