UzAuto Motors савдонинг илк кунида 85 дона Tahoe, Traverse, Trailblazer ва Equinox бўйича шартнома тузди

Тўртта премиум синфга мансуб Chevrolet Tahoe, Traverse, Trailblazer ва Equinox моделларини тақдим этган UzAuto Motors 85 нафар харидор билан янги моделлар сотуви бўйича шартнома имзолади. Бу ҳақда компания Ахборот хизмати хабар берган.

Хабарда қайд айтилишича, Trailblazer ва Equinox автомобиллари учун UzAuto Motors’нинг барча дилерларида шартнома имзолаш мумкин. Tahoe ҳамда Traverse автомобиллари учун шартномалар эса Тошкент вилоятидаги Nurafshon Autocentre автосалонида мавжуд.

Chevrolet Trailblazer. Двигателнинг ҳажми 3,6 литр, 275 от кучи ҳамда тўлиқ узатмага эга. Двигатель 6 поғонали автомат узатма билан жиҳозланган, соатига 100 км тезлик олиши учун 9,1 сония етарли. Аралаш цикл учун ёқилғи сарфи 100 километр масофа учун 9,7 литрни ташкил этади.

Бошқарувга қўшимча тарзда аудиотизим ва круиз назорати, қияликлардан пастга тушадиган ёрдамчи тизим, ёмғир сезгич, борт компьютери, салонга калитсиз кириш ҳамда Chevrolet MyLink дастури ҳам тақдим қилинади.

Trailblazer’да олтита хавфсизлик ёстиғи билан бир қаторда, у кундузги чироқлар, электроник барқарорликни бошқариш, шиналар босими сигналлари ҳамда бошқа қулайликларга эга. Ўзбекистонда ушбу машина саккиз хил рангда тақдим этилади.

Chevrolet Traverse автомобили 8 нафаргача йўловчига мўлжалланган ўриндиқлар ва бизнес синфидаги кенг юкхона, ҳайдаш режими ва тўлиқ узатманинг илғор тизимини танлаш функцияси, ташқи ва ички дизайн билан ажралиб туради. 318 от кучига эга автомобиль 7,8 сонияда 100 км/соат тезликни забт эта олади. Интеллектуал тўлиқ бошқарув тизими сирпанчиқ ёки қорли йўлларда автомобиль бошқарувини кучайтиради ва олд узатмани танлаш қўшимча ёқилғи тежашни таъминлайди. Chevrolet Traverse ўзгарувчан электр бошқаруви тизими ва беш ричагли мустақил орқа осма билан жиҳозланган. Автомобиль Ўзбекистонда беш хил рангда тақдим этилади.

Chevrolet Tahoe. Дизайни пухта ўйланган, қулай ва шинам салонга эга, 8 дюймли сенсорли экран билан жиҳозланган, Chevrolet MyLink мультимедиа тизимига эга, янгиланган 6,2 литрли V8 EcoTec двигатели, 426 от кучига эга.

Автомобиль 8 нафар йўловчини сиғдира олади. Иккинчи ва учинчи қаторларнинг ўриндиқлари йиғилганда юкхонанинг ҳажми 2680 литргача етади.

Йўлнинг барқарорлиги ғилдирак базасининг узунлиги 2946 миллиметр, йўлнинг ёпиқлиги — 200 миллиметр бўшлиқ билан таъминланади.

Двигатель 6 поғонали автомат узатма билан жиҳозланган, у 6,8 сонияда 100 км/соат тезликка чиқади. 100 километр масофа учун 9,7 литр ёқилғи сарфлайди.

Chevrolet Equinox. Ёқилғи идиши (бензобак) ҳажми 59 литр, 2.0 турбо двигателга эга, истеъмоли аралаш циклида 100 километрга 8,2 литр ёқилғи сарфлайди. Автомобилнинг тезлашиш вақти соатига 7,8 сонияда 100 км/соатгача. Машинанинг ташқи қисмида салонни калитсиз очиш, панорамали люк, эшик ва юкхона бўлимининг электроузатмаси, светодиодли орқа ва олд фаралар мавжуд. Иситиладиган ва электрбукиладиган ойналар.

Классик ҳолатда юкхона ҳажми 67 литрни ташкил этади ва орқа ўриндиқлар йиғилганда ҳайдовчи 1627 литрга тенг юкхона сиғимига эга бўлади. Equinox ҳам Ўзбекистонда беш хил рангда тақдим қилинади.