Жисмоний тарбия ва спорт вазирлиги ҳамда Ўзбекистон Миллий олимпия қўмитаси 26 декабрь, пайшанба куни 2019 йил якунларига бағишланган «Миллий спорт мукофоти—2019» тақдирлаш маросимини ўтказди.
Мазкур тадбирда йил давомида Ўзбекистон спорти ривожи йўлида меҳнат қилган энг яхши атлет, мураббий, федерация, ҳакам, спорт мутасаддилари, журналист ва масъул ташкилотлар 20 га яқин номинация бўйича тақдирланди.
Йилнинг энг яхши терма жамоаси — Бокс бўйича Ўзбекистон миллий терма жамоаси;
Йилнинг энг яхши федерацияси — Ўзбекистон Паралимпия Миллий ассоциацияси;
Спорт соҳасини ривожлантиришга қўшган ҳиссаси учун — «Қизилқум—цемент» АЖ;
Йил кашфиёти — Ўзбекистон замонавий бешкураш федерацияси;
Йилнинг энг яхши спорт лойиҳаси — «Humo Arena» кўптармоқли муз саройи;
Энг фаол спорт тарғиботчиси — Ҳилола Исоқова «MY5» телеканали муҳбири;
Йилнинг энг яхши спорт журналисти — Зоҳид Каримов «Спорт» ТВ;
Йилнинг энг яхши спорт шифокори — Суннатилла Йўлчиев — РСТИАМ спорт тиббиёти бўлим бошлиғи, травматолог;
Халқаро майдонларда ўзбек спортини тарғиб қилгани учун — Элдор Шомуродов;
Йилнинг энг яхши паралимпиячиси — Тимур Ғиёсов;
Йилнинг энг яхши мураббийи — Равшан Рўзиқулов юнон-рум кураши бўйича ўзбекистон терма жамоаси бош мураббийи;
Йилнинг энг яхши ёш ва истиқболли спортчиси — Зайнаб Дайибекова – қиличбозлик (сабля) бўйича Ўзбекистон терма жамоаси аъзоси;
Йилнинг энг яхши ҳаками — Тоҳир Ғуломов – спорт курашлари бўйича халқаро тоифадаги ҳакам;
Йилнинг энг яхши аёл спортчиси — Дилноза Раҳматова;
Йилнинг энг яхши эркак спортчиси — Баҳодир Жалолов;
Спорт соҳасидаги кўп йиллик хизмати учун — Оксана Чусовитина.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)