Тошкент шаҳрида ўрнатилган асосий Янги йил арчаси МДҲ давлатлари пойтахтларидаги асосий байрам арчалари орасида баландлиги бўйича 3-ўринни эгаллади. TurStat пор тали МДҲ давлатлари пойтахтларидаги энг баланд асосий байрам арчалари рейтингини тузди.
МДҲ мамлакатлари пойтахтларидаги энг юқори арчалар ўнлигида биринчи ўринни Туркманистон пойтахти Ашхобод шаҳридаги 40 метрли арча эгаллади. Ундан кейинги ўринлардан Ереван (37 метр), Тошкент (36 метр), Боку (34 метр), Минск (30 метр), Душанбе (29 метр), Москва (27 метр), Бишкек (27 метр), Нур-Султон (25 метр) ва Кишиниёв (20 метр) ўрин олган.
Москвадаги асосий Янги йил арчаси МДҲ давлатлари пойтахтларидаги ягона тирик асосий байрам арчаси ҳисобланади.
Россиянинг Красноярск шаҳрида МДҲдаги энг баланд байрам арчаси ўрнатилган бўлиб, унинг баландлиги 55 метрни ташкил қилади.
Эслатиб ўтамиз, Тошкент шаҳридаги асосий Янги йил арчаси Алишер Навоий номидаги миллий кутубхона қаршисидаги майдонга ўрнатилган. Шунингдек, Tashkent City хиёбонида ҳам байрам арчаси ўрнатилган. Наманганда эса Ўзбекистондаги энг баланд Янги йил арчаси ўрнатилди.
Изоҳ (0)