Ўзбекистонда 2020 йилнинг 1 январидан провайдерлар учун интернет нархлари 20 фоизга арзонлашиши кутилмоқда. Бу ҳақда «Ўзбектелеком» компанияси матбуот хизмати хабар берди.
Хабар берилишича, 2019 йил давомида операторлар ва провайдерлар учун ташқи каналга уланиш тарифлари сониясига 1 мегабит тезлик учун 85 минг сўмдан 70 минг сўмгача арзонлашган. 2020 йилда операторлар ва провайдерлар худди шу тезлик учун 56 минг сўм тўлаши кутилмоқда.
Қайд этилишича, аввалги ўзгаришлар интернет нархларининг тўрт марта арзонлашишига олиб келган. Кабелли интернетнинг тезлиги Ўзбекистоннинг барча фойдаланувчилари бўйича қарийб икки марта ошган.
Операторларда соатига 100 мегабит тезлик билан тариф режалар пайдо бўлган, бир йил аввал эса операторларнинг кўпчилигида энг юқори тезлик сониясига 20 мегабитни ташкил қилган. Энг юқори тезликдаги тарифларнинг нархлари ҳам пасайган.
Изоҳ (0)