Халқ банки Ўзбекистон молия бозорида ўз мавқейини янада мустаҳкамлаш мақсадида 2019 йилда кўрсатилаётган молиявий хизматлар сифатини халқаро стандартлар даражасига кўтаришда инновацион янгиланишларга жадаллик билан киришди. Яъни банк ўз-ўзини янгилаб, трансформацияни изчиллик билан амалиётга татбиқ этяпти.
Бу каби ўзгаришлар самараси Халқ банки устав капитали ўсишида ҳам яққол намоён бўлмоқда. Жумладан, банк устав капитали қўшимча 227,9 миллион АҚШ долларига ортди. Яъни бугунги кунда бу кўрсаткич 4 230,9 миллиард сўмга етди. Ўтган йилнинг шу даврида бу рақам 1 540,3 миллиард сўмни ташкил қилганди.
Тикланиш ва тараққиёт жамғармаси томонидан Халқ банкининг номинал қиймати 1 000,0 сўм бўлган 2 164 172 минг дона оддий акциялари сотиб олинди ва бунинг натижасида жамғарманинг банк устав капиталидаги улуши 38,8 фоиздан 70,1 фоизга кўтарилди. Банкнинг қолган акцияларига Давлат активларини бошқариш агентлиги эгалик қилади ҳамда унинг улуши 29,9 фоизни ташкил этади.
Маълумот ўрнида айтиш мумкинки, Фарҳод Саламов Халқ банки бошқаруви раиси лавозимига тайинланганига ҳали кўп бўлмади. Шу пайтга қадар Ф. Саламов банк бошқаруви раиси ўринбосари вазифасида ишлаб келаётганди. 2018 йилгача эса АҚШнинг энг йирик банкларидан бири — «U.S. Bancorp» корпорацияси бош офисининг ижрочи директори лавозимида фаолият юритган.
Реклама ҳуқуқи асосида.
Изоҳ (0)