Украина ва Халқаро валюта жамғармаси ҳамкорликнинг янги дастури ҳақида келишувга эришди. Бу ҳақда мамлакат президенти Владимир Зеленский маълум қилди, дея хабар беради «Коммерсантъ».

Фото: Reuters

«ХВЖ билан янги ҳамкорлик дастури иқтисодий ўсишни жадаллаштириш, коррупцияга барҳам бериш ва ҳар бир украиналикнинг фаровонлигини оширишга қаратилган», — дея таъкидлади Зеленский.

Жамғарма директор-бошқарувчиси Кристалина Георгиевага кўра, кредит суммаси 5,5 миллиард долларни ташкил этади ва уч йил муддатга мўлжалланган.

Мазкур келишув ХВЖ раҳбарияти ва бошқарувчилар кенгаши томонидан ҳам маъқулланиши лозим.