«Барселона» Испания чемпионатининг 16-турида «Мальорка»ни 5:2 ҳисобида мағлубиятга учратди.
Мазкур ўйинда каталонияликлар ҳужумчиси Лионель Месси учта гол уришга эришди. Бу аргентиналик футболчи учун Ла Лигадаги 35-ҳет-трик бўлди.
Месси Испания чемпионатида энг кўп ҳет-трик қайд этиш борасида «Реал» собиқ ҳужумчиси Криштиану Роналдуни (34 та ҳет-трик) ортда қолдирди.
Шунингдек, Месси Европа кучли бешлик лигалари футболчилари орасида кетма-кет 14 та мавсумнинг ҳар бирида ўнтадан кўп гол урган илк футболчига айланди.
Месси 16-турдан кейин 12 та гол урган ҳолда чемпионат тўпурари бўлиб олди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)