Давлат тест маркази 2019—2020-ўқув йилида абитуриентлардан йиғилган маблағларнинг сарфланиши бўйича ҳисобот эълон қилди.
Хабарда айтилишича, энг тезкор принтерлар хариди 840 миллион 870 минг 316 сўмга тушган. Китоб тикадиган воситалар хариди - 199 миллион 988 минг 154 сўм, катта қувватли серверлар харид қилиш, уларни ўрнатиш ва ишга тушириш - 1 миллиард 204 миллион 206 минг 244 сўм, бинолар ижараси учун - 1 миллиард 942 миллион 706 минг 950 сўм 18 тийин (Тошкент шаҳридаги бинолар бўйича), гуруҳ назоратчилари иш ҳақи учун тўлов - 9 миллиард 014 миллион 745 минг 717 сўм 50 тийин, гуруҳ назоратчилари учун тушлик сарфи - 763 миллион 374 минг 250 сўм, мобил алоқа воситалари тўлқинларини тўсувчи қурилмалар хариди - 688 миллион 121 минг 120 сўм, ичимлик суви хариди - 880 миллион 494 минг 710 сўм, шарикли ручкалар хариди - 336 миллион 357 минг 552 сўм, хизмат сафарлари учун тўловлар - 13 миллион 262 минг 039 сўм 14 тийин.
Жами харажатлар: 15 миллиард 884 миллион 127 минг 052 сўм 82 тийин.
Қайд этилишича, бунда бошқа биноларнинг коммунал ва ижара тўловлари, бир ой мобайнида шартнома асосида жалб этилган ёлланма ишчилар, техник воситаларнинг шу даврда мунтазам ишлаб туришини назорат қилиш бўйича мутахассислар иш ҳақи киритилмаган.
Булардан ташқари, маблағларнинг қолган қисмини қўшимча техника воситалари ва уларга захира қисмлар, тест синови жараёнлари ёзилган видео материалларни сақлаш учун катта хотирага эга қурилмалар, глушителлар хариди, хорижий экспертларни жалб этиш, хорижий мамлакатларда малака ошириш, кейинги ўқув йилида ўтказиладиган тест синовлари тайёргарлиги ва бошқалар учун йўналтириш режалаштирилган, дейилади ДТМ хабарида.
Изоҳ (0)