Тошкент врачлар малакасини ошириш институтида тиббиётнинг турли йўналишларида ўтказилган «Йилнинг энг яхши шифокори» республика кўрик-танлови ғолибларини тақдирлаш маросими бўлиб ўтди, деб хабар берган Соғлиқни сақлаш вазирлиги Жамоатчилик билан алоқалар бўлими. Танлов вазирлик ҳамда Соғлиқни сақлаш ходимлари касаба уюшмаси Республика кенгаши ҳамкорлигида ташкил қилинган.
Тадбирда Соғлиқни сақлаш вазири А. Шодмонов иштирок этган, у иштирокчилар ва танлов ғолибларини табриклаган. Тадбирда сўзга чиққанлар сўнгги уч йилда тиббиёт соҳасида 170 дан зиёд ҳуқуқий ҳужжатлар қабул қилингани, 2017 йилда соҳани молиялиштириш ҳажми 7,1 триллион сўмни ташкил этгани, 2019 йилда ушбу рақам 12,1 триллион сўмга етганини таъкидлаган. Дори воситалари ва тиббий буюмлар ҳамда тиббиёт объектларини қурилиш-таъмирлаш ишларига ажратилаётган маблағ ҳам 3 баробарга ортгани қайд этилган.
Мавзуга доир:
Вазирлик Жамоатчилик билан алоқалар бўлими хабарида, тиббиёт соҳаси ходимларининг маошлари босқичма-босқич оширилаётгани, соҳа ходимларининг байрами арафасида 95 нафар соҳа вакилларининг давлатнинг юксак унвон ва мукофотлари билан тақдирлангани қайд этилган.
«Йилнинг энг яхши шифокори» танловида 39 та номинация бўйича жами 117 нафар ғолиб ва совриндорлар аниқланган. Бу йилги танловда олимлар, тадқиқотчилар ва фармацевтика соҳаси вакиллари ҳам иштирок этган. «Йилнинг энг яхши профессори», «Йилнинг энг яхши изланувчи-тадқиқотчиси», «Йилнинг энг яхҳси илмий ходими», «Йилнинг энг яхши доценти», «Йилнинг энг яхши ўқитувчиси» номинациялари бўйича ҳам мукофотлар топширилди. Танлов ғолиб ва совриндорлари «Соғлиқни сақлаш аълочиси» кўкрак нишони, диплом, статуэтка, эсдалик совғалар ва пул мукофоти билан тақдирланди.
Изоҳ (0)