Ракун жуда яхши уй ҳайвони! Кучуклар ва мушуклардан ҳам яхшироқ! Жойга тез мослашади, ортиқча эркалик қилмайди ва болаларга зарар етказмайди.
Кўпчилик ракун боқиш, ушбу ҳайвонни парваришлаш орқали бошқалардан ажралиб туришни шундай мақтовлар билан тавсия қилади.
Бу каби гап-сўзлар хато ёки атайин тўқиб чиқарилган ёлғон. Енот ҳаётингиз, мол-мулкингиз ва болаларингизга хавф солади. Бир зум ҳушёрликни йўқотсангиз, ҳалок бўлиш ҳеч гап эмас.
Ракун ёввойи ҳайвонЕнот – йиртқич ҳайвон. Ёқимтой, беозор кўринади, лекин ёввойи жонивор. У эркин ва ракуннинг ҳаракатларини олдиндан билиб бўлмайди. Ҳатто болалигидан парвариш қилиб катта қилган жажжи дўстингиз ҳам кутилмаганда тишлаб олиши мумкин. Жағларининг бақувватлиги катта итники билан бир хил. Улғайган эркак ракунни ветеринария столида ушлаб туриш учун бир нечта одам бирга ҳаракат қилишига тўғри келади.
Енот жуда қизиқувчан. Ҳайвоннинг бармоқлари ниҳоятда тезкор. Қулфни тезда очади, телефондан фойдалана олади, шкафни тимдалаб ташлайди. Оёғи осмонда бўлса ҳам ҳар қандай жойга суқилиб кира олади. Буни устига тунда фаол бўлувчи жонивор билан бирга ухлаш одамнинг ҳаётига хавф солади.
Кўрпа остига беркиниш ҳам ёрдам бермайдиЕнот уйда яшаса, унга ҳамма нарса қилишга рухсат берилиши керак. Ҳайвон эгаси ҳеч нимага ачинмайдиган, бой одам бўлиши лозим. Ракунларни деярли қўлга ўргатиб бўлмайди. Ниманидир сочиш керак бўлса, албатта, вайрон қилади. Ҳар қандай ҳудуд енот учун ўзига хос тадқиқотлар майдонига айланади.
Уч ўлчамли бўшлиқЕнотнинг бутун танаси виприсса туклари билан қопланган ва тери сезгиси кучли ривожланган. У ранг-баранг ландшафтни афзал кўради. Ер, кўкат, тош, новда, илдиз, шох-шаббалар енот учун айни муддао. Бир хил ламинат ва силлиқ деворлар йиртқични зериктириб қўяди. Ракун ҳамма нарсанинг авра-астарини чиқариб, кемириб, уйни ёйиб ташлаши мумкин.
Ракунлар баландликни севади. Итлар текис жойда югуришни, мушуклар унча баланд бўлмаган жойларга чиқишни хуш кўради. Енот эса дарахт кавагида ухлайди. Баланд дарахт кавагига чиқа олмаган ракун одатий ҳаёт тарзини йўқотиб қўяди.
Енотлар қишки уйқуга кетишни ёқтирувчи жонивор. Акс ҳолда йиртқич организмида модда алмашинуви ёмонлашиши мумкин. Ракун уйқуга кетиши учун нафақат совуқ, балки атроф-муҳитни музлатадиган муҳит ҳукмрон бўлиши лозим.
Енотлар нималар билан озиқланадиМушуклар ва итларни тайёр озуқа билан боқиш мумкин. Бироқ енотларни боқишда бу йўлни танлаб бўлмайди.
Ҳайвонот боғида парвариш қилинадиган ҳар бир ракун 7 хил мева, 5 хил қуруқ мева, 4 хил гўшт, 3 хил ёнғоқ, 2 хил балиқ, 2 хил тухум, 2 хил резавор, творог, асал, ўсимлик ёғи, сичқон, майда қуш ва креветкаларни истеъмол қилади. Шунингдек, уларга витамин-минерал қўшимчалари ҳам берилади. Ҳаммаси кун тартиби асосида бажарилади.
Озиқ-овқат меъёри 0,1 граммгача чиқиши мумкин. Овқатни ракуннинг ёши, вазни ва ҳаракатларига қараб танлаш лозим. Уйда парвариш қилинадиган енот ҳам семириши мумкин. Семириш юрак хасталиклари, бўғимлар оғриғи ва умуртқа дискларидаги муаммоларга сабаб бўлади.
Қатъий назоратЕнотлар – уй ҳайвонлари эмас. Уларнинг физиологияси итлар ва мушукларнинг тана тузилишидан фарқ қилади. Оддий ветеринар клиникасида ракунни даволаш деярли имконсиз.
Мутахассис бўлмаган одам кўзи билан қараганда енот соғломдек туюлади, у бақалоқ, қувноқ ва серҳаракат. Аммо ички органлари фаолиятида бузилиш кузатилиши мумкин.
Шу сабабли енот боқишдан олдин сутемизувчиларни яхшилаб ўрганиш, ракун яшаши учун муносиб шароитлар ва ландшафт шакллантириш, йиртқич қишки уйқуга кетиши учун муздек иқлим яратиш, турли дозаларда ранг-баранг озуқалар бериш тизимига эга бўлиш ҳамда олий тоифали ветеринар хизматларидан фойдаланиш талаб қилинади.
Ушбу талаблар бажарилиши таъминланмаса, у ҳолда мейн-кун катта мушугини боқиш тавсия қилинади. Аввал ушбу жонивор мушук ва енотнинг бирлашган шакли деб ҳисобланган. Ракунлар эса ёввойи табиат қўйнида эркин яшайверсин.
Изоҳ (0)