Давлат хизматлари агентлиги фуқаролар учун навбатдаги қулайликни жорий этди. Бу ҳақда агентлик матбуот хизмати хабар берди.
Ўзбекистон бўйлаб «экспресс-хизмат» ишга туширилиб, эндиликда зарур ҳужжатларни Давлат хизматлари марказига бормасдан туриб почта орқали олиш имкони мавжуд, дейилади хабарда.
Ҳозирча ушбу қулайлик тажриба тариқасида:
– судланмаганлик (ёки судланганлик) тўғрисида маълумотномаларни олиш;
– никоҳ қайд этилганлиги, никоҳда турмаслиги ёки никоҳдан ажралганлиги тўғрисидаги маълумотномани олиш;
– манзил-маълумот ахборотларини тақдим этиш хизматлари учун жорий қилинган.
Изоҳ (0)