Тошкент вилоятининг Бўка туманида компьютер техникаларини сунъий равишда қиммат нархларда харид қилиш ҳолати аниқланди, деб хабар берди Бош прокуратура матбуот хизмати.
Қайд этилишича, туман халқ таълими бўлими бош ҳисобчиси Ж.М. ва бошқалар «Давлат харидлари тўғрисида»ги қонун талабларига зид равишда ҳақиқий баҳоси 3,3 миллион сўм бўлган компьютер тўпламларининг ҳужжатларини сохталаштирган ҳолда қиммат нархларда ҳисоблаб, жами 375 та компьютер тўпламларини харид қилиб, 623,7 миллион сўм бюджет маблағларини растрата қилиш йўли билан талон-торож қилганлиги аниқланган.
Мазкур ҳолат юзасидан Ж.М. ва бошқаларга нисбатан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.
Изоҳ (0)