Тошкент вилояти Зангиота тумани Хонобод қўрғонидан ўтувчи маҳаллий аҳамиятига эга 4К708 автомобиль йўлида 24 ноябрь куни соат тахминан 22:00 да номаълум автомобиль ҳайдовчиси велосипедда ҳаракатланиб кетаётган 15 ёшли мактаб ўқувчиси М.З.ни уриб юборган. Ҳайдовчи жабрланувчига ёрдам кўрсатмасдан воқеа жойидан қочиб кетган.
9-синф ўқувчиси М.З. олган тан жароҳатлари оқибатида касалхонанинг жонлантириш бўлимида вафот этди.
Тошкент вилояти ИИББ Йўл ҳаракати хавфсизлиги хизмати ходимлари томонидан олиб борилган тезкор қидирув ишлари натижасида пиёдани уриб юборган автомашина аниқланди.
Ушбу йўл транспорт ҳодисасини содир этиб, воқеа жойидан қочиб кетган ҳайдовчи 1981 йилда туғилган К.О. эканлиги, ушбу ҳайдовчи ЙТҲни Spark автомашинасида содир этганлиги маълум бўлди.
Ҳозирда ушбу ҳолат юзасидан Зангиота тумани тергов бўлими томонидан Жиноят кодексининг 117-моддаси 2-қисми (Хавф остида қолдириш одам ўлимига сабаб бўлиши) ва 266-моддаси 2-қисми (Транспорт воситалари ҳаракати ёки ундан фойдаланиш қоидаларини бузиш одам ўлимига сабаб бўлиши) билан жиноят иши қўзғатилган.
Изоҳ (0)