Бош прокуратура ҳузуридаги департаментнинг Нишон тумани бўлими томонидан фермер хўжаликларининг қонуний ҳуқуқ ва манфаатларини ҳимоя қилиш юзасидан терговга қадар текширув ўтказилди. Бу ҳақда Бош прокуратура матбуот хизмати «Дарё»га хабар берди.
«Нишон туман йўллардан фойдаланиш» УК мансабдор шахслари махсус рухсатномасиз «Нишон» қишлоқ фуқаролар йиғини ҳудудидан 24,9 минг метр куб қум аралаш шағал маҳсулотларини қазиб олишиб, ушбу ҳудуддаги «Н.М.Э.» фермер хўжалиги ва давлат манфаатларига 369,2 миллион сўм зарар етказганликлари аниқланган.
Мазкур ҳолат юзасидан «Нишон туман йўллардан фойдаланиш» УК мансабдор шахсларига нисбатан Жиноят кодексининг тегишли моддаси билан жиноят иши қўзғатилиб, тергов ҳаракатлари ўтказилмоқда.
Аввалроқ шунга ўхшаш ҳолат Жиззах вилоятида кузатилгани ҳақида хабар берилган эди.
Изоҳ (0)