30-noyabr, shanba kuni Oliy Majlis Senatining yigirma to‘rtinchi yalpi majlisi chaqiriladi, deb xabar berdi Senat axborot xizmati.
Yalpi majlisda tarixda ilk bor qabul qilingan “2020-yil uchun O‘zbekiston Respublikasining davlat budjeti to‘g‘risida”gi qonun muhokama qilinadi.
Shuningdek, Senat kun tartibida quyidagi masalalar ko‘riladi:
- “O‘zbekiston Respublikasi Vazirlar Mahkamasi to‘g‘risida”gi, “Volontyorlik faoliyati to‘g‘risida”gi, “Kasaba uyushmalari to‘g‘risida”gi qonunlar;
- “Faol investitsiyalar va ijtimoiy rivojlanish yili” davlat dasturining 2019-yil uchinchi choragidagi ijrosi yuzasidan Vazirlar Mahkamasining hisoboti;
- Ayrim qonun hujjatlariga o‘zgartish va qo‘shimchalar kiritish;
- “1993-yil 22-yanvardagi Fuqarolik, oilaviy va jinoyat ishlari bo‘yicha huquqiy yordam hamda huquqiy munosabatlar to‘g‘risidagi Konvensiyaga doir Bayonnomani (Moskva, 1997-yil 28-mart) ratifikatsiya qilish haqida”gi qonun;
- Vazirlar Mahkamasiga davlat bojxona xizmati organlari tomonidan qonun hujjatlarining ijro etilishi holati, arzon uy-joy qurilishi, gaz, elektr ta’minoti bilan bog‘liq parlament so‘rovlari yuborish.
Izoh (0)