Бугун,

  • USD 11095.31
  • RUB 173.84
  • EUR 10772.44

АҚШ президентининг миллий хавфсизлик масалалари бўйича собиқ маслаҳатчиси Жон Болтон истеъфо берганидан кейин икки ой давомида Оқ уйнинг ўз твиттер аккаунтига киришига тўсқинлик қилганини билдирди. Бу ҳақда «Интерфакс» хабар берди.

АҚШ президенти Дональд Трамп ва унинг собиқ маслаҳатчиси Жон Болтон

АҚШ президенти Дональд Трамп ва унинг собиқ маслаҳатчиси Жон Болтон
Фото: Washington Post

22 ноябрда Болтон Twitter’да ёзган 4 та твитида ижтимоий тармоқдаги икки ойлик танаффусини Оқ уйнинг аккаунтини блоклаб қўйгани билан боғлиқ эканини асослади. Унинг сўзларига кўра муаммо Twitter раҳбариятининг амалий ёрдами билан бартараф қилинган.

«Миллий хавфсизлик масалалари бўйича маслаҳатчи лавозимидан кетганимдан кейин Оқ уй Twitter’даги шахсий саҳифамга киришимни блоклаб қўйди. Улар мен ижтимоий тармоқда гапиришим мумкин бўлган гаплардан қўрққан бўлиши мумкин. Мени яшириниб олди деганлар энди ҳайрон қолган бўлса керак!» – деб ёзган Болтон.

АҚШ президентининг собиқ маслаҳатчиси Оқ уйнинг Twitter’даги аккаунтига киришни очмаганини таъкидлаб Twitter раҳбариятига ўз саҳифасига кириш қайта таъминлангани учун миннатдорлик билдирди.

АҚШ президенти Дональд Трамп Болтонни жорий йилнинг сентябрь ойида эгаллаб турган лавозимидан озод қилган. Трамп ушбу қарорини ташқи сиёсатдаги кўплаб масалаларда қарама-қаршиликлар мавжуд экани билан изоҳлади. Болтоннинг ўзи Дональд Трамп билан суҳбатдан сўнг ўз ихтиёри билан истеъфо берганини маълум қилган.

ОАВ Трамп ҳамда Болтон ўртасидаги келишмовчиликка Эронга нисбатан қўлланилган санкциялар позицияси сабаб бўлгани ҳақида ёзган. Bloomberg агентлигининг ёзишича, 9 сентябрда Оқ уйда ўтказилган учрашувда Трамп Эронга қарши қўлланган санкцияларни юмшатиш ҳақида гапирган, 10 сентябрда «антиэрончи» бўлган Болтон ишдан ҳайдалган.Кейинчалик Трампнинг ўзи Болтоннинг Шимолий Корея, Венесуэла ва Ироқ билан ташқи сиёсатда бир нечта қўпол хатога йўл қўйганини маълум қилган.

Изоҳ
Асосий янгиликлар
Дунё
Украина ташқи ишлар вазири Путиннинг “Зеленскийни ўлдирмаслик” бўйича берган ваъдасига муносабат билдирди
Спорт
А Серия. Элдор Шомуродовнинг дебют ўйинида “Специя” ўзида “Наполи”га йирик ҳисобда ютқазди
Дунё
Marsдан ҳам совуқроқ: АҚШда ҳаво ҳарорати тарихий рекордни янгилади (видео)