Ўзбекистон Республикасининг халқаро майдондаги ижобий имижини мустаҳкамлаш концепцияси тўғрисидаги Президент қарори лойиҳаси эълон қилинди.
Қарор лойиҳасида қайд этилишича, халқаро ташкилотлар тузилмаларига Ўзбекистон номзодлари илгари сурилиши режалаштирилмоқда.
Хусусан, БМТ, ИҲТ, МДҲ, ШҲТ ва бошқа халқаро ва минтақавий ташкилотлар, халқаро молиявий институтлар тузилмаларига Ўзбекистон номзодларини илгари суриш ва бу борадаги ишларни фаоллаштириш мўлжалланмоқда.
Бунда номзодларни кўрсатиш бўйича таклифларни ишлаб чиқиш, белгиланган тартибда тасдиқлаш ҳамда Ўзбекистон номзодларини илгари суриш бўйича ишларни ташкил этиш ва амалга ошириш кўзда тутилган.
Муддат — 2020 йил 1 июль, кейинчалик — ярим йилда бир марта. Ташқи ишлар вазирлиги, Инвестиция ва ташқи савдо вазирлиги, Адлия вазирлиги, Инсон ҳуқуқлари бўйича Ўзбекистон Республикаси миллий маркази, вазирлик ва идоралар масъул органлар сифатида белгиланган.
Шунингдек, халқаро ҳамжамият эътибор марказида турган долзарб ижтимоий-сиёсий муаммолар (инсон ҳуқуқлари, одам савдоси, меҳнат муҳожирлиги, гиёҳвандлик ҳолатлари ва бошқалар) ҳақида миллий ҳисоботларни чоп этиш ҳамда Ўзбекистонда ва хорижий мамлакатларда тарқатиш режалаштирилмоқда.
Изоҳ (0)