Самарқандда қўлбола усулда алкогол маҳсулотларини ишлаб чиқараётган цех фаолияти фош этилди, деб хабар бермоқда Бош прокуратура матбуот котиби Ҳаёт Шамсутдинов.
Департаментнинг Самарқанд шаҳар бўлими томонидан ўтказилган тезкор тадбирда фуқаро Ф.Г. яширин цех ташкил қилиб, қўлбола усулда тайёрланган қалбаки акциз маркалар билан елимланган ароқ маҳсулотларини бошқа фуқарога сотаётган вақтида ушланган.
Тадбирда Ф.Г.нинг яширин цехидан қўлбола усулда тайёрланган истеъмолчиларнинг ҳаёти ва соғлиғи талабига жавоб бермайдиган 0,5 ҳажмли «Troyka», «Filatoff», «Медовая» номли ва 34 дона 1,5 литр ҳажмли елим идишлардаги спиртли ичимликлар ҳамда «Коньяк» алкогол маҳсулотлари ва бир хил рақамли қалбаки акциз маркалар ашёвий далил сифатида олинган.
Мазкур ҳолат юзасидан Жиноят кодексининг 176 (Қалбаки пул, акциз маркаси ёки қимматли қоғозлар ясаш, уларни ўтказиш) ва 186-моддалари (Хавфсизлик талабларига жавоб бермайдиган товарларни ўтказиш мақсадини кўзлаб ишлаб чиқариш, сақлаш, ташиш ёхуд ўтказиш, ишлар бажариш ёки хизматлар кўрсатиш) билан жиноят иши қўзғатилиб, терговга ҳаракатлари ўтказилмоқда.
Октябрь ойида Тошкентда ўтказилган назорат тадбирида давлат солиқ хизмати органлари томонидан жами 11 275 дона (қути) умумий қиймати 109 400 минг сўмлик тамаки маҳсулоти, 791 шиша умумий қиймати 57 миллион 500 минг сўмлик алкогол маҳсулотлари ноқонуний савдога қўйилгани аниқланган эди.
Изоҳ (0)