«Дарё» таҳририятига Андижон вилояти Андижон туманида яшовчи Жаҳонгир Худойбердиев юрак пороги билан оғриётган фарзанди Моҳинахон Анваровага ёрдам сўраб мурожаат қилди.
Моҳинахон Анварова 2013 йилда туғилган. 2019 йилда Андижон шаҳридаги кўп тармоқли болалар шифохонасида тиббий кўрикдан ўтказилганда унга юрак етишмовчилиги ташхиси қўйилган.
«Вилоятдаги шифокорлар Тошкентда операция қилинглар, бу ерда қилолмаймиз, дейишди. Кейин Akfa Medline шифохонасига олиб бориб текширтирдик. Улар қизалоғим бу йил зудлик билан операция қилиниши кераклиги ва операцияга 34 миллион сўм маблағ кераклигини айтишди.
Оилада ягона боқувчи менман. Андижон локомотив депосида чилангар бўлиб ишлайман. Моҳинахон ўртанча фарзандим. Бир опаси ва укаси бор. Қўшимча даромадим йўқ. Маҳаллада кам таъминланган оилалар рўйхатида турамиз. Қизимни операция қилдириб, ҳаётини сақлаб қолишга моддий имкониятим етмайди. Бироқ зудлик билан операция қилинмаса, кейин кеч бўлиши мумкин. Яхши инсонларнинг ёрдамига жуда-жуда муҳтожмиз», — дейди биз билан суҳбатда Моҳинанинг дадаси Жаҳонгир Худойбердиев.
Биз барча саховатли юртдошларимиздан Моҳинахоннинг тузалиб кетишига ёрдам беришларини сўраб қоламиз.
Моҳинахон Анваровага хайрия қилмоқчи бўлганлар учун керакли маълумотлар:
Пластик карта орқали Жаҳонгир Худойбердиев номига очилган.
Миллий банк: 8600021057843305
Онаси Ферузахон Худойбердиева номига очилган пластик карточка
Микрокредитбанк: 8600052946911136
Отаси Худойбердиев Жаҳонгирнинг телефон рақами: +998 91 498-80-71
Изоҳ (0)