ММА бўйича Тошкент мезбонлик қиладиган GFC 20 мусобақасининг фахрий меҳмони Ҳабиб Нурмагомедов Тошкентга келмоқда. Бу ҳақда спортчининг ўзи Instagram’даги саҳифаси орқали маълум қилди.
23 ноябрь куни бўлиб ўтадиган GFC 20 мусобақасида Ҳабибнинг амакиваччаси Умар Нурмагомедов ҳам иштирок этади. Ҳабиб эса мусобақадан икки кун олдин Тошкентга келмоқда. У ўтирган самолёт Ислом Каримов номидаги Тошкент халқаро аэрпортига бугун кечки соат 22:00 да қўниши ҳақида хабар бермоқда, «Дарё» манбалари.
Эслатиб ўтамиз, аввалроқ Ҳабибнинг отаси Абдулманап Нурмагомедов чартер рейс орқали Тошкентга етиб келганди.
Маълумот учун, 21 ноябрь куни Тошкентдаги Hilton меҳмонхонасида GFC 20 мусобақасидан олдинги матбуот анжумани бўлиб ўтади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)