Колтюбинг технологияларини ривожлантириш орқали улар саноатда тобора изчил қўлланиб келинмоқда. Мана 35 йилдан буён нефть ва газ қазиб олиш амалиётида ушбу технологиялардан нефть ва газ конларини ўрганиш ва эксплуатация қилиш жараёнида турли операцияларни бажариш, шу жумладан, бурғилаш учун фойдаланиб келинмоқда. Нефть ва газ конларини ўрганиш ва эксплуатация қилишда колтюбинг технологиялари нефть ва газ қудуқларини уларнинг эксплуатация режимини бузмаган (тўхтатмаган) ҳолда босим остида таъмирлаш ишларини амалга ошириш (қудуқларни беркитмаган ва насос-компрессор қувурлари колонналарини кўтармаган ҳолда таъмирлаш ва технологик операцияларни амалга ошириш) имконини беради.
Бундан ташқари, колтюбинг технологик операциялари ҳайдаш қудуқларида, бурғилаш ишларида (эски қудуқ колоннасидан эгилувчан қувурлар билан қўшимча горизонтал ўзакларни бурғилашдан қудуқларни қазишнинг тўлиқ технологик жараёнигача), қудуқларни ўзлаштиришда, қудуқ ўзагининг геофизик кучли қийшайган ва горизонтал участкаларида ҳамда бошқа ишларда қўлланилади. Бунда анъанавий қудуқларни капитал таъмирлаш (ҚКТ) ишларидан фарқли равишда колтюбинг ускуналари билан ишларни олиб бориш 2-3 баравар кам вақт талаб этади, бунинг оқибатида таъмирлашга доир умумий харажатлар камаяди, қудуқларнинг туриб қолиш вақти қисқаради, анъанавий усуллар орқали бажариш мумкин бўлмаган технологик операцияларнинг аксариятини бажариш имкони берилади ва охир оқибатда нефть ва газни қазиб олиш ҳажми кўпаяди.Шунга кўра, Eriell group компанияси «Қултак» конининг 31-сонли ва «Денгизкўл» конининг 206-сонли қудуқларида «Ўзбекнефтегаз» АЖ билан биргаликда колтюбинг ускуналаридан фойдаланган ҳолда катта ҳажмли кислота билан қайта ишлаш ишларини амалга оширди. Натижада келтирилган қудуқларнинг суткалик дебити 1,5-2 баравар ошди.Ўзбекистонда углеводород хом ашёсини қазиб олишни ошириш ишлари давом этмоқда.
Реклама ҳуқуқи асосида.
Изоҳ (0)